Misis, nanawagan ng tulong pinansyal para sa kanyang mister na napuruhan sa aksidente sa motorsiklo sa Dasmariñas, Cavite

Read Time:1 Minute, 28 Second

DASMARIÑAS CITY, Cavite — Humihiling ng tulong pinansyal ang isang misis na si Donna Salazar para sa kanyang mister na si Regie Ganub matapos maaksidente ang minamaniobra nitong motorsiklo nang siya ay mawalan ng kontrol at sumalpok sa kahabaan ng Manggahan road Dasmariñas City, Cavite nitong Hulyo 29, 2021 ganap na alas 10:00 p.m. ng gabi.

Thank you for reading this post, don't forget to subscribe!

Sa lakas nang pagkakasalpok ng kanyang motorsiklo, nagtamo ng major physical injury si Regie.

Ayon kay Donna, kinailangang putulin ang daliri sa paa ng mister dahil sa tindi ng pinsalang natamo nito sa katawan. Nagkaroon din ng fracture sa kaliwang kamay na kinakailangan ng agarang operasyon at makabitan ng bakal ngunit ito ay may kamahalan.

Agad namang naisugod si Reggie sa General Trias Doctors Medical Center sa bayan ng Dasmariñas, Cavite at doo’y nilapatan ang biktima. Dahil sa pribado ang naturang ospital at lumalaki ang kanilang bill, minabuti nilang ilipat si Regie sa ibang ospital para sa mas mababang gamutan.

Hulyo 31, 2021 ay nailipat si Regie sa Philippine Orthopedic Center sa Quezon City. Doon ay naoperahan ang kanyang paa.Sa ngayon, kakailanganin ni Regie ang tulong pinansyal para sa kanyang agarang paggaling at malagyan ng bakal ang kanyang kamay.

Aniya ng kanyang maybahay, naaksidente si Regie sa mismong araw ng unang kaarawan ng kanilang unica hija at ito ay lubos na ikinabigla at ikinalungkot ng kanilang mag-anak.

Para sa mga nais mag-abot ng tulong pinansyal, mangyaring makipag-ugnayan sa kanyang misis na si Donna Salazar sa kanyang official Facebook account na naka-tag sa ibaba.

Maaari ring ipadala ang inyong tulong sa pamamagitan ng Gcash account ng kanyang nakababatang kapatid na si Almira Salazar. Narito ang detalye;

Gcash Almira Salazar, 09486316042

BPI: Almira Salazar, 2859278232

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com