TS Huaning, pumasok na sa PAR ngayong araw – PAGASA

Pumasok na sa Philippine Area of Responsibility (PAR) ang binabantayang Tropical Storm na namataan sa hilaga hilagang-kanluran ng Itbayat, Batanes ngayong Sabado ng umaga, ayon sa PAGASA.

Ang naturang tropical storm ay pinangalanan na Huaning na may international name na Lupit na pumasok sa PAR kaninang alas 5:00 a.m ng umaga.

Kaninang alas 3:00 a.m ng madaling araw, nasa labas pa ng PAR ang naturang bagyo na may maximum sustained winds na 65 kph malapit sa gitna at may pagbugsong aabot sa 80 kph. Kumikilos ng mabagal ang bagyo sa east northeast na direksyon nito.

Inaasahan ang iba pang update ng PAGASA ukol sa lagay ng bagyong Huaning sa bansa ngayong araw. #DM