Duque: “Magtutungo kami sa kulungan kung ang lahat ng transaksyon ng DOH ay hindi dokumentado”

Read Time:1 Minute, 24 Second

Tinitiyak ng Department of Health (DOH) na ang lahat ng mga pondo na inilaan sa bawat transaksyon ng kanilang departamento ay dokumentado at kung hindi man ay handang magtungo sa kulungan ang mga opisyal at empleyado nito, ayon kay Health Secretary Francisco Duque III.

Natuklasan kasi ng Commission on Audit (COA) kung saan natagpuan ang mga kakulangan o deficiencies sa kung paano pinamahalaan ng DOH ang P67.32 bilyong pondo para sa COVID-19 pandemic response.

Sinabi ni Duque na ang lahat ng procurement of medical items gaya ng medical ventilators, COVID-19 testing kits, personal protective equipment and medicine, kung saan ang lahat ng dokumento nito ay ini-relegate ng DOH sa Procurement Service of the Department of Budget and Management (PSDBM).

“Lahat ‘yan may kaakibat na mga dokumento. Hindi pwedeng walang dokumento ‘yan. We would all go to jail if we do that na wala kaming basis,” saad ni Duques sa isang interbyu sa TeleRadyo ng ABS-CBN.

“So hindi pwede ‘yan. I will not allow that to happen,” dagdag pa ni Duque.

Sa annual report ng COA para sa DOH noong 2020, ang mga kakulangan o deficiencies ay sanhi ng ‘di pagsunod sa mga batas at regulasyon na humantong sa missed opportunities para sa nasabing departamento sa pamamahala nito sa pagharap sa pandemya.

Binigyang-diin ni Duque na ang P11 bilyong naka-flag ng COA bilang unobligated funds ay nagamit na.

Aniya, ang P11 bilyon mula sa pondo ng P79 billion funds na inilaan sa ilalim ng Bayanihan 2 law ay ginamit para sa mga health workers benefits and special risk allowances kung saan ay pinalawak ang validity ng batas na ito noong Hunyo 30, 2021. #DM

About Post Author

Diyaryo Milenyo

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Isko Moreno, iniluklok bilang bagong pangulo ng Aksyon Demokratiko
Next post Paglulunsad ng Aklat ng Komisyon sa Wikang Filipino, Tampok ngayong Buwan ng Wika 2021
%d bloggers like this: