MAHIGIT 1,400 members mula sa 24 life and non-life insurance companies sa iba’t ibang rehiyon sa bansa nananawagan kay Vice President Maria Leonor “Leni” Robredo na tumakbo para sa pagka-pangulo sa 2022 Eleksyon.
Sa isang pahayag ngayong Biyernes, sinabi ng “Insurers for Leni”, kinakailangan ng bansa ang ‘values-based leadership’ at ito ang tatak ni Robredo na dapat itong mapanatili at masiguro na hindi mabalewala ang ganitong katangian ng isang lider para sa mas maayos na pamumuhay ng bawat Pilipino.
“We are employees, agents and veterans of the industry coming from all regions of the country bound by our common goal to have Leni Robredo as the next president of the Philippines,” saad ni Anna Blanco, convenor of Insurers for Leni.
Ipinahayag ng mga Insurers for Leni na nais nilang magkaroon ng kahusayan, propesyonalismo, katapatan, integridad, at tunay na pag-aalala para sa mga tao o genuine concern for people para patuloy na matamasa ang tiwala ng publiko at maipamalas nang husto ang kanilang kakayanang maglingkod.
“We believe that leader to be Leni Robredo. To us, she exemplifies the values we need in a leader,” dagdag pa ng grupo.
Ito ang kauna-unahang pagkakataon na magbigay pahayag ang mga manggagawa sa nasabing industriya mula sa iba’t ibang kompanya sa bansa na nananawagan para sa pagbabago na nararapat sa sambayanang Pilipino.
Sa kasalukuyan, wala pang malinaw na pahayag si Leni kung sakaling tanggapin nito ang pagtakbo sa darating na halalan 2022. #DM
0 comments on “Grupo ng Insurance workers, nanawagan kay VP Leni na tumakbo para sa pagka-Pangulo”