LUMPIANG GULAY SABAY SIGAW

Paglalako ng lumpiang gulay ang pinagkakakitaan ni Dexter Delgado, 50 taong gulang, may asawa at 3 anak.

Nasa mahigit 4 na kilometro rin ang layo ng kanyang nilalakad sa paglalako.

Sa kanyang bitbit na 250 pirasong lumpiang gulay, kikita siya ng 500php kung kanya itong mauubos lahat. Porsyentuhan lamang ang kita niya dito, kaya hindi niya pwedeng ihinto ang kanyang paglalakad upang maubos ang kanyang paninda.

Isa lamang si Dexter sa matapang na humaharap sa hirap ng buhay. Gaano man kabigat ang kanyang bitbit hindi niya ito susukuan. Gaano man kalayo ang kanyang lalakaran ay hindi siya mapapagal.