Miss Bahrain Manar Nadeem Deyani, umalma sa mga bully sa social media

[by Athena Yap]

Hindi na pinalampas ni Miss Bahrain candidate na si Manar Nadeem Deyani ang mga nambu-bully sa kanya sa social media.

Nag-trending kasi ang litrato nila kung saan makikita na tila iba ang awra ni Miss Bahrain kompara sa ibang mga kasama niyang kandidata.

Dahil d’yan ay napag-tripan sa comment section ang hitsura ni Miss Bahrain.

“Parang ang daming nilabhan ni Bahrain”

“Bigyan ng Milo si Bahrain”

“Mag enervon ka, Bahrain!”

Iyan ang sunod-sunod na tirada ng mga basher sa picture na nag-trend.

Samantala, may ilan namang mabubuting puso na hindi hinusgahan ang kandidata at pinagtanggol pa.

“Grabe kayo makalait kay Miss Bahrain first time nila magkaroon ng candidate sa Miss U. Saka respect naman bilang tao,” depensa ng isang fan.

Sumagot naman ang mismong kandidata sa comment section at naglahad ng kaniyang sentimyento.

“I see so many bullies from these pictures. I am here to have a representation for all women regardless of the shape, size, religion, or color. For the people who spread hate on social media – I have nothing but love for all of you. I hope you find peace in your heart as me and my co-sisters unite to break the world’s stereotypes of beauty.” Saad ni Miss Bahrain. #DM