DOH: Walang nagpositibo sa mga biyahero na galing sa South Africa nitong Nobyembre
0
0
Read Time:1 Minute, 6 Second
Walang nagpositibo sa Omicron variant sa mahigit 200 biyahero na mula sa South Africa na dumating sa bansa nitong nakaraang buwan, ayon sa Department of Health (DOH) nitong Sabado.
Thank you for reading this post, don't forget to subscribe!“As of December 9, meron po tayong lumabas na resulta ng whole genome sequencing. Unang una, gusto natin ipaalam sa ating mga kababayan there was no sample positive for the Omicron variant,” saad ni Health Undersecretary Maria Rosario Vergeire sa Laging Handa briefing.
Mahigpit na binabantayan ng DOH ang 253 na mga biyahero mula sa South Africa na dumating sa Pilipinas noong Nobyembre 15 hanggang 19 bago pa man magpatupad ng temporary travel restrictions sa mga bansang apektado ng Omicron variant.
Sakabila nang walang naitalang nagpositibo sa Omicron variant sa Pilipinas, may binabantayan na isang biyahero na nakitaan ng B.1.1.203 COVID-19 variant.
“Hindi siya Omicron. Hindi rin siya isa mga variant na binabantayan natin sa bansa at hindi variant of concern o variant of interest,” ani Vergeire.
Sa magkaibang statement, sinabi ng DOH na ang tinukoy na biyahero na nakitaan ng B.1.1.203 COVID-19 variant nitong Nobyembre 16 ay lumabas na ang resulta noong Nobyembre 21 pa.
“We urge the public to continuously adhere to the minimum public health standards to ensure prevention against transmission of COVID-19,” saad ng DOH. ###
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.