Xian Gaza ginigiit na si Christine Samson ang third party sa hiwalayang Wilodia

[by Athena Yap]

Tila nage-enjoy ang bagong pambansang Marites na si Christian Albert Gaza o mas kilala bilang Xian Gaza sa pag-tsitsismis ng kung anu-ano tungkol sa iba’t ibang celebrity.

Matapos niyang magbigay ng patutsada tungkol sa namamagitan umano kala Gerald at Pia, trip naman niya ngayon pag-usapan ang rumored third party sa hiwalayang Wil Dasovich at Alodia Gosiengfiao.

Sunod-sunod din ang patama niya tungkol sa mga ito.

“Kung si Kuya Wil ay dating host ng Wowowee at si Christine Dacera ay dating FA ng Philippine Airlines… Ang tanong ngayon, sinong Christine ang dating kaibigan ni Wil?” Post ni Gaza.

Kasunod niyan ay may sarcastic breaking news pa siya tungkol naman kay Christine Samson.

“JUST IN: Christine Samson natagpuang luhaan sa Quezon City,”

At naglakas loob din si Gaza na mag-message mismo kay Gosiengfiao upang tanungin tungkol sa mga tsismis na ito.

Hindi man nireplayan ni Alodia ang mensahe ni Gaza pero tila may cryptic post siya para kay Gaza.

“False Knowledge is worse than ignorance, and all I know is it’s not true,” caption ni Alodia sa kanyang picture.

Kinontra ito ni Xian ngunit agad din binura ang mga pa-blind item nito tungkol sa Wilodia. #DM