Makikipag-ugnayan ang Philippine National Police (PNP) sa kani-kanilang local government units (LGUs) para sa pagpapatupad ng mas mahigpit na health protocols sa National Capital Region (NCR) simula sa Lune, Enero 3.
Ayon kay Police Col. Rhoderick Augustus Alba, tagapagsalita ng PNP, na mahigpit nilang susundin ang mga alituntunin ng mga LGU na nauna nang itinakda ng Inter-Agency Task Force on the Management Infectious Disease (IATF-MEID), sa ilalim ng Alert Level 3.
“The Philippine National Police (PNP) will welcome the year with a recalibrated deployment strategy as more outdoor activities will be prohibited under Alert Level 3,” saad ni Alba.
Inaasahan nila na ang bawat LGU sa NCR ay maglalabas ng executive order na maglalatag ng protocols batay na rin sa pambansang direktiba na itinakda ng IATF.
Dahil sa biglaang pagtaas ng mga kaso ng coronavirus disease (COVID-19) na nagsimula ilang araw bago ang araw ng Pasko ay muling isinailalim sa mas mahigpit na quarantine protocol ang Metro Manila.
Suspendido rin ang face-to-face classes nang hindi bababa sa sa dalawang linggo kasama ang operasyon ng indoor entertainment, amusement places, casino, horse racing, cockfighting, at contact sports. ###
Basahin ang kaugnay na balita sa artikulo na ito; Bunsod ng paglaganap ng Omicron variant cases: Alert Level 3 sa buong bansa hindi nirekomenda ng DOH
DIYARYO MILENYO DIGITAL NEWS 
0 comments on “PNP, makikipag-ugnayan sa Metro LGUs para sa mga alituntunin sa ilalim ng Alert Level 3 simula Lunes, Enero 3”