Social media commentator sa Maguindanao binaril, patay

[via RHB/Photo from Mindanao Voices news blog]

(April 15, 2022) — Patay ang isang kilalang social media commentator matapos umano itong pagbabarilin ng hindi nakikilalang mga suspek sa isang bayan sa probinsya ng Maguindanao na bahagi ng BARMM (Bangsamoro Autonomous Region in Muslim Mindanao).

Ayon sa report ng Mindanao Voices news blog, papalabas na umano sa kanyang bahay ang biktima na si “Jhanna Villegas” ng atakehin ito ng mga hindi kilalang mga suspek.

Nagtamo ng maraming sugat ang biktima na siyang dahilan ng kanyang agarang kamatayan.

Naganap ang pagoaslang sa biktima sa bayan ng Datu Anggal Midtimbang sa Maguindanao.

Ang nasabing biktima ay kilala sa mga komentaryo nito sa kanyang Facebook account.

Ayon sa report, patuloy pang iniimbestigahan ng pulisya doon ang naturang pagpatay sa nasabing social media commentator. ###