Nilinaw ni Senator Ping Lacson na tanging si Mayor Isko Moreno lang ang nagsabing “Withdraw Leni.”
Ito ay nabanggit ni Moreno sa joint press conference nila nina Lacson, Sec. Norberto Gonzales at Sen. Manny Pacquiao na hindi nakadalo kahapon, Abril 17, 2022.
Sa ilang interbyu kay Sen. Ping Lacson kasama ang kanyang running mate na si Senator Tito Sotto, isa sa mga naitanong sa kanya ay ang kumpirmasyon kung si Moreno lamang ang may ideya ng ‘withdraw Leni.
“Sinabi naman niya ‘yun, siya lang,” diretsahang tugon ni Lacson.
Nabanggit din ni Lacson sa joint press con ang umano’y pagkumbinsi sa kanila umano ng kampo ng isang presidentiable na umatras na gayung dalawa lamang ang naglalaban talaga sa pinaka mataas na posisyon na kani-kanilang tinatakbuhan.
Ang naturang press con ay napagdesisyunan nilang gawin upang matigil na ang mga haka-hakang titigil na sila sa pangangampanya at aatras sa kandidatura. ###
DIYARYO MILENYO DIGITAL NEWS 
0 comments on “Sen. Ping Lacson, nilinaw na si Mayor Isko Moreno ang nagsabing “WITHDRAW LENI””