130 katao na biktima ng “food poisoning” sa South Cotabato ligtas na, ayon sa doktor ng munisipyo
SOUTH COTABATO PROVINCE (by Ramil Bajo) — Ligtas at wala ng dapat ipag-alala sa kalagayan ng 130 katao na umanoy nalason sa kinain nilang “pancit” at “bihon” sa dinalohan nilang “mass gathering” sa isang barangay sa Lake Sebu, South Cotabato.
Thank you for reading this post, don't forget to subscribe!Ito ay ayon sa kumpirmasyon na ibinigay ni LGU-Lake Sebu health officer Dr. Jocelyn Bayquin sa ilang mga media outlet sa nakabase sa Koronadal City at General Santos City.
Ang nasabing 130 katao ay kinonsidera na mga biktima ng “food poisoning” dahil nakaramdam sila ng mga sintomas ng paglasom dahil sa pagkain, tulad ng pagsusuka at pananakit ng tiyan.
Ayon sa report na natanggap ng Diyaryo Milenyo Digital News, dumalo noong araw ng linggo ang nasabing mga biktima ng lason sa isang okasyon sa isang sitio sa ng naturang bayan.
Pagkatapos nilang kumain doon na sila nakaramdam umano ng pananakit ng tiyan at nakaranas ng pagsusuka.
Pinayohan naman ni Dr. Bayquin ang mga residente na maging maingat sa paghahanda ng mga pagkain lalo na yung mga pagkain na madaling masira or mapanis. (Photo from Bombo Radyo Koronadal FB)