FATHER’S DAY: AMA NA MAY responsibili-DAD, PAPA-sanin ANG LAHAT PARA LAMANG ma-ITAY-o ANG PAMILYA

[Ni Sid Samaniego]

ROSARIO, CAVITE: Tuwing ika-tatlong linggo ng buwan ng Hunyo ay ipinagdiriwang natin ang Father’s Day na inuugnay sa selebrasyon ng Mother’s Day na tradisyunal namang ipinagdiriwang tuwing ikalawang linggo ng buwan ng Mayo.

Ito ay bilang pagbibigay parangal sa mga itinuturing nating “Haligi ng Tahanan”.

Ipinapakita ang pasasalamat at pagmamahal sa kanilang Tatay, Itay, Ama, Papang, Papa, Dad, Daddy o anumang katawagan ng isang Padre de Pamilya.

Sa pagkakataon na ito, umikot at naglakbay ang inyong lingkod upang personal na madokumento ang bawat galaw at hanap-buhay ng isang itinuturing na pinaka-mahalagang parte ng isang pamilya, si Tatay!

Happy Father’s Day sa isang kahanga-hangang ama at kamangha-manghang asawa.