
Weekly total ng COVID-19 cases sumampa na sa 53%; Daily Average na sa 662
Sumampa na sa 4,634 ang bagong COVID-19 cases sa Pilipinas mula June 20 hanggang June 26, 2022 na may 53% higher tally rate kumpara sa mga nagdaang pag-uulat, ayon sa Department of Health ngayong Lunes, June 27.
Thank you for reading this post, don't forget to subscribe!Base sa talaan ng DOH sa kanilang weekly case bulletin, pumalo na sa 662 ang daily case average mula sa 436 noong June 13 hanggang June 19 na may 3,051 new COVID-19 infections.
591 dito ang severe and critical cases na kasalukuyang naka-admit sa mga hospital mula nitong June 16.
Samantala, 4,034 o 18.1% ng 22,251 non-ICU COVID-19 beds ang kasalukuyang ginagamit.
Nasa kabuuang 70,358,612 individuals o nasa 78.17% ng target population ay bakunado na laban sa COVID-19. Nadagdagan ito ng 323,341 na mga bagong bakunado mula June 20 hanggang June 26 sa kasalukuyang taon. ##
[Photo: Rappler]