ENTREPINOY ESPESYAL Sid Samaniego

MOBILE PAN DE SAL VENDOR SA CAVITE

[Ni Sid Samaniego]

ROSARIO, CAVITE: Tatlong linggo na ang nakakaraan ng umpisahan ang “mobile bakery hot pandesal” na pagmamay-ari ni Jomar Segovia Andrin, 36 taong gulang, tubong Masbate, at may anak na may sakit na leukemia na 4 na taong gulang.

Alas-tres pa lamang ng madaling-araw ay abala na si Jomar sa paggawa at pagmasa ng arina para sa kanyang produktong pandesal de malunggay.

Gamit ang kanyang mobile bakery ay ilalako ng kanyang kababayang si Felix Capiznon ang mainit na pandesal sa palengke ng Tanza, Cavite. Hanggang alas-7 ng umaga ay pinipilahan ang kanyang hot pandesal malunggay.

Kumikita ng halagang 1,500 piso bawat araw ang mobile bakery. Mas mabenta ang ganitong paraan kumpara sa nakapirming tindahan.

“Matumal na ang benta ng panaderya ko sa bahay kaya naisipan kong gumawa ng mobile bakery. Mukhang maganda ang bentahan dito. Kasi pwedeng ang mobile bakery mismo ang pupunta sa tao”, kwento ni Jomar.

Dumaranas ngayon ng malaking pagsubok sa buhay si Jomar dahil sa anak niyang may sakit na leukemia. Problemang malaki ang pinansyal na gastusin sa pagpapagamot sa anak na may sakit.

Panalangin nya sa Maykapal ang maagang paggaling ng kanyang bunsong anak at ang patuloy na pagtangkilik ng mga tao sa kanyang produktong pandesal de malunggay.***

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.

%d bloggers like this: