[Ni Rex Molines]
MANILA — Nakipagpulong ang Top officials ng ultra bilyonaryo na si Manny Villar sa pamunuan ng Movie and Television Review and Classification Board (MTRCB) bilang paghahanda para sa isasagawang paglulunsad ng pinaka bagong AMBS Channel 2.
Naging malugod ang pagtanggap ng bagong MTRCB chairperson Lala Sotto sa mga opisyales ng Advanced Media Broadcasting System (AMBS) matapos ang courtesy visit nito para sa pagbubukas ng digital TV broadcasts sa publiko.
Nakaharap ni Sotto ang AMBS operations head na si Ronald Manlapig, legal counsel Atty. Ralph Lorilla, at consultant na si Dynes Regner.
“We appreciate the new network’s intent to comply with MTRCB rules and regulations and we look forward to further intensifying the Board’s partnership with the TV and Film industries for the protection of the Filipino families,” saad ni Sotto, na anak ni dating Senate President Tito Sotto.
Isa si Willie Revillame sa mga partners ni Villar sa pagsulong ng AMBS 2. Winelcome din ang mag-asawa na sina direk Paul Soriano at Toni Gonzaga bilang talents ng nasabing network.
Sakasalukuyan ay nagsasagawa ang AMBS ng running test broadcasts alinsunod mula sa National Telecommunications Commission.
Isasagawa ang opisyal na paglulunsad ng AMBS 2 sa buwan ng Oktubre 2022. #DM
#AMBS#AMBSChannel2#AMBSLaunch#MTRCB#DiyaryoMilenyo#DigitalNews
DIYARYO MILENYO DIGITAL NEWS 
0 comments on “AMBS 2 Execs nakipagpulong sa MTRCB para sa opisyal nitong paglulunsad sa Oktubre”