[Ni Sid Samaniego]
Kahanga-hangang sipag at determinasyon ang ipinamalas ng batang nakuhanan ng litrato ng isang suki kahapon sa tindahan kung saan siya mismo ang nagbabantay ng kanilang paninda habang gumagawa ng kanyang module.
Pinatunayan lamang niya na kahit nasa tindahan siya ay pwede pa ring matuto basta’t pursigido.
Kinilala ang 14 anyos at grade 9 student sa Gov. Ferrer Memorial National High School na si Thadeus Jireh Arbolante, a.k.a “TJ”. Pangatlo sa 4 na magkakapatid.
Ayon sa ina ng bata na si Gng. Bel Dulce, madalas diumano ang kanyang anak na si TJ ang nagbabantay sa kanilang tindahan kapag siya ay umaalis.
“Mabait na bata yan si TJ. Madalas siya rin ang nauutusan kong magdeliver ng paninda namin gamit ang bisikleta. Huwarang anak yan si TJ”, pagmamalaki ng inang si Bel Dulce.
Pangarap ni TJ na maging magiting na pulis sa pagdating ng takdang panahon. ##
DIYARYO MILENYO DIGITAL NEWS 
0 comments on “SIPAG AT DETERMINASYON”