Mga miyembro ng PNP, kahit pagod na tuloy pa rin dahil kailangan

Read Time:58 Second

by Ramil Bajo, Oct. 30, 2022

BARMM — Sila ang ating kapulisan, kahit pagod na sila tuloy pa rin dahil kailangan.

Kailangan nilang maging matatag para alalayan ang mahihinang mga bisig na umaasa sa kanilang lakas.

Kailangan nilang maging malakas para sumagip ng buhay at magbigay proteksyon sa dapat proteksyonan.

Sa pananalasa ni bagyong Paeng sa ibat-ibang bahagi ng Pilipinas, ipinamalas nila kung gaano kahalaga ang papel ng pulis.

Ipinakita nila na sila ay may pusong tumulong at handang magsakripisyo para sa proteksyon at ikakabuti ng karamihan sa panahon ng trahedya, sakuna at kalamidad.

Hindi nila alintana ang pagod at mga buwis-buhay na ginagawa nila. Ang mahalaga sa kanila ay magserbisyo at magbigay proteksyon sa mga nangangailangan.

Ganon ang mga ginagawa nila.

Nagkakapit-bisig upang tulungang makatayo ang mga walang kakayahang tumayo, sagipin ang nga dapat sagipin, buhatin ang mga dapat buhatin, alalayan ang mga dapat alalayan at kung kinakailangan ay magbuwis ng buhay para sa kaligtasan ng iba.

Ganon sila. Ganon ang mga pinoy na pulis. ##

(Ang mga larawan ay mula sa Facebook page na “I Love PNP” at kuha ng photographer na si Renel Deano)

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com