Marcos, hinimok ang US na gamitin ang global influence sa pagpigil na pagtaas ng presyo ng gasolina

Read Time:1 Minute, 23 Second

Hinimok ni Pangulong Ferdinand “Bongbong” Marcos Jr. ang Estados Unidos nitong Sabado, Nobyembre 12, na gamitin ang kanilang pandaigdigang impluwensya (global influence) para pigilan ang pagtaas ng presyo ng gasolina.

Bunsod nang mga pangambahing dulot ng hindi pagkakaunawaan o conflict sa pagitan ng Russia at Ukraine kung bakit nagkaroon ng pagbabago sa mga presyo ng langis sa pandaigdigang merkado.

Dito sa Pilipinas, umabot sa 7.7% ang inflation noong Oktubre, ang pinakamataas sa loob ng 14 na taon, habang nananatiling nakataas ang presyo ng mga pangunahing pagkain dahil sa mga hamon sa suplay na dala ng external pressures gaya ng digmaan ng Russia at Ukraine at ang paghagupit ng bagyong Karding.

“We appeal as well to the United States to use its global influence to help ease the current global plight of rising fuel prices that we all have to deal with. We also encourage the US’ long-term support for the implementation of the ASEAN Plan of Action on Energy Cooperation,” pahayag ni Marcos sa ginanap na ASEAN-US Summit sa Phnom Penh, Cambodia.

Hinimok din ni Marcos na suportahan ng US ang pakikipaglaban sa climate change at maprotektahan ang kalikasan.

“We also appeal for the US’ support for the work of the ASEAN Center for Biodiversity. The Center preserves ASEAN’s varied ecosystems and mainstreams biodiversity across relevant sectors. This is to increase resilience against climate change, its impacts, and natural disasters,” dagdag pa niya.