
John Riel Casimero, Stop-over muna sa Thailand
Ni Billy Zapa
Hindi pa nakalapag ng South Korea si John Riel Casimero, kasalukuyang nasa Thailand pa ito ngayon para ipagpatuloy ang kanyang insayo para sa napapalapit na laban kontra Japanese boxer Ryo Akaho sa December 3, 2022 na gaganapin sa Paradise City Hotel, Incheon South Korea.
Sa isang video na pinost ng former WBO Bantamweight world champion sa kanyang social media account maraming fans ang naaliw sa reelz video ni Casimero kasama ang kanyang head coach/kapatid na si Jayson Casimero sa sikat na tugtogin ngayon na ‘Sabak ka diri’.
Tara na, Larga na ‘ta, oh Puno na ‘ta Larga na, Puno na day aton sabakon, Sabak ka diri… Sabak ka diri… (Sabak in Bisaya means – Kandong; Sabak ka diri – Kandong ka dito)
Stop over muna si John Riel Casimero para ipagpatuloy ang training sa Kombat Group Thailand Fitness Gym at focus na ito sa pagbawas ng timbang. Inaasahang isang linggo bago ang inaabangang bakbakan ay lilipad na ang Team Casimero sa South Korea. ##