KINSENG BAKA, MAAGANG NAMAMASKO SA KALSADA?
Read Time:1 Minute, 1 Second
ROSARIO, CAVITE: Agaw eksena sa mga tao ang labing-limang baka na tila namamasko sa kalsada.
Ikinatuwa higit ng mga bata ang eksenang ito kahapon ganap na alas-2:39 ng hapon lalo na’t bibihira ang ganitong pagkakataon.
Sa kuhang bidyo ni Chung Dela Cruz Ubas, makikita ang 15 baka na naglalakad na pumukaw ng atensyon ng tao sa kahabaan ng Kalye Marseilla Brgy. Poblacion ng bayan na ito.
Ayon sa may-ari ng bidyo na si Chung, katatapos lang diumano niyang mamili ng oras na iyon sa isang convinient store nang makita niya ang mga baka na nagdulot ng banayad na trapik.
“Sa totoo lang, natuwa at naexcite ako ng makita ko sila. Kasi hindi naman din madalas akong nakakakita ng baka at lalo pa nga’t sa kalsada na tila nagpaparada pa. Ang cute nila, saan sila punta”, kwento ni Chung.
Samantala, nang makarating ang pangyayari sa Rosario Traffic Management Office sa pamumuno ni Fernan Garcia, agad nilang itinaboy pabalik sa kanilang kural ang naturang mga baka.
Napag-alamang nakawala pala ang mga baka sa kanilang kural kaya napadpad sa kalsada na pagmamay-ari ng isang pribadong indibidwal. ##
Watch this;
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
