Read Time:1 Minute, 41 Second
Ni Sid Samaniego
NOVELETA, CAVITE: “Kumuha ka ng naaayon sa kagustuhan mo at timbangin mo ayon sa sukat na nais mo”.
Ito ang panuntunan ng isang Honesty Fruit Store sa Noveleta, Cavite na pagmamay-ari ng isang 43 taong gulang na Security Guard na si Rodney Pampag, may-asawa at 3 anak (2 babae at 1 lalake).
Dalawang linggo pa lang ang nakakaraan ng umpisahan niya ang honesty store na ito na ma-inspire ang gwardyang si Rodney sa isang honesty store sa Rosario, Cavite na kalapit-bayan lamang na patok ngayon sa mamimili.
Tanging mga prutas lamang ang kaniyang mga paninda. Tulad ng saging, ubas, pinya, pakwan, dalandan, mansanas at marami pang iba.
Kumikita si Rodney ng 750 pesos bawat araw. Dagdag kita ang diskarteng ito ni Rodney bilang kasalukuyang gwardiya ng St. Martin Hospital. Malaking tulong sa pangangailangan ng kanyang pamilya.
Noon pa man ay nagtitinda na rin siya ng saging. Idinedeliver niya ito sa bahay ng kanyang mga suki. “Naniniwala ako na honest ang lahat ng tao dito, sa bawat galaw at kilos nila alam nila kung tama o mali ang kanilang ginagawa”, paliwanag ni Rodney.
Self service ang istilo ng store na ito ni Rodney. Kung magkano ang halaga ng prutas, iyon ang babayaran mo. Kung may sukli man, ikaw na rin ang magsusukli sa sarili mo.
Nakasulat ang pricelist ng bawat produkto. At sa dulong bahagi nito, mababasa ang isang talata sa Bibla na mula kay Mateo 25:21.
“Sinabi sa kaniya ng kaniyang Panginoon, mabuting gawa, mabuti at tapat na alipin: Nagtapat ka sa kakaunting bagay, pamamahalain kita sa maraming bagay; pumasok ka sa kagalakan ng iyong Panginoon”, Mateo 25:21.
“Sa pagkakataon na ito, naniniwala akong laging nasa tabi ko ang Panginoon na palaging gumagabay sa akin”, dagdag pa ni Rodney.
Si Rodney ay dalawang dekada ng naglilingkod sa St. Martin Hospital bilang gwardiya na may kakaiba at masayang ngiti sa kanyang labi.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
One thought on “HONESTY FRUIT STORE NG GWARDIYA, PATOK SA MASA”
Comments are closed.
[…] to weigh and pay for themselves. Rodney defined in an article written by Sid Samaniego for Diyaryo Milenyo“Kumuha ka ng naaayon sa kagustuhan mo at timbangin mo ayon sa sukat nais mo.” [Get as […]