TRIKE DRIVER NA NAGSAULI NG P30,000 SA PASAHERO, KINILALA AT BINIGYANG PARANGAL NG LGU ROSARIO
0
0
Read Time:58 Second
Ni Sid Samaniego
Thank you for reading this post, don't forget to subscribe!ROSARIO, CAVITE: Umani ng maraming papuri at paghanga ang ginawang kabutihan ng isang trike driver na si Martin Rosal Jr. sa bayan na ito matapos niyang maisauli ang pitakang may lamang 30,000 pesos sa kanyang pasahero.
Dahil dito, si Martin Rosal Jr. ay kinilala at binigyang parangal ng lokal na pamahalaan ng Rosario Cavite sa pangunguna ni Mayor Jose Voltaire Ricafrente.
Sa flag ceremony kanina ay masayang inalok ng trabaho sa munisipyo si Rosal bilang driver.
“Dahil sa iyong kabutihan, tanggapin mo ang trabahong inaalok namin sa iyo. Ito ay bilang tanda ng iyong kadakilaan. Ito ay patunay lamang na likas sa mga mamamayan ng Rosario ang may ginintuang puso’t kalooban”, wika ni Ricafrente.
Magugunitang ang perang napulot ni Rosal ay pambili diumano ng bangka.
“Maraming-maraming salamat po sa bagong yugto ng aking trabaho! Sa bawat pag-ikot ng aking gulong ay mahigpit kong hahawakan ang manibelang maghahatid sa inyong destinasyon kaakibat ng marangal na pakikipagkapwa-tao”, madamdaming pahayag ni Rosal.
Samantala, ang buong opisyal at myembro ng pederasyon ng trike driver sa bayan na ito ay sumasaludo sa kabaitan ni Rosal. ##
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.