0
0
Read Time:1 Minute, 9 Second
Ni Sid Samaniego
ROSARIO, CAVITE: Hindi magiging hadlang ang bawat rehas na ito upang mapag-isang dibdib ang pagmamahalan nina Erwin Jose Sacapaño, 27 taong gulang at Rosemarie Astor, 25 taong gulang, kapwa naninirahan sa Brgy. Wawa II ng bayan na ito.
Nakaplano na talagang magpakasal ang dalawa sa programa ng lokal na pamahalaan na “kasalinas”, subalit sa hindi inaasahang pagkakataon ay nadawit ang lalaki sa isang kaso na naging dahilan ng kanyang pagkakakulong sa Rosario Police Station.
“Hindi pwedeng maudlot ang aming kasal. Matagal na naming pinagplanuhan ito. Bago ako lumipad patungong Middle East kailangang maikasal kami ni Erwin”, masayang kwento ni Rosemarie.
Pinangunahan ni Rev. Buddy Villacruz ng Simbahang Katoliko Pilipinong Kristiyano ng Dioceses of Cavite ang pagpapakasal sa dalawa.
Ikinatuwa naman ng mga kakosa ni Erwin ang pangyayari, lalo na’t ito diumano ang kauna-unahang pagkakataon na may nangyaring kasalan sa loob ng kulungan na kanilang personal na nasaksihan.
“Natupad din ang aming pangarap na maikasal. Mahal na mahal kita Rosemarie. Huwag kang mag-alala, kapag nakalaya ako dito, susuklian ko ang lahat ng pagkukulang ko sa’yo”, madamdaming paliwanag ni Erwin.
Samantala, isang mainit na pagbati at masigabong palakpakan naman ang ipinadama ng buong kapulisan ng Rosario MPS sa bagong kasal. ##
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.