Read Time:1 Minute, 18 Second
CAVITE — Patay ang isang estudyante matapos mabundol ng isang jeep sa Dasmariñas City Cavite kahapon, Hulyo 4.
Thank you for reading this post, don't forget to subscribe!
Sa video footage na nakalap, naglalakad pauwi ang grupo ng mga estudyang ito sa may congressional road sa Dasmariñas Cavite bandang alas- 4:00 ng hapon kahapon. Ilang saglit pa ay may humarurot na jeepney galing sa delivery area ng isang supermarket doon hanggang sumalpok sa center aisle ng kalsada at ito’y dumerecho sa kabilang lane hanggang sa sumalpok ito papunta sa 3 estudyanteng naglalakad doon.
Makikita rin sa CCTV ang pagsalpok ng jeepney sa steel fence kung saan nakaiwas pa ang dalawang estudyante ngunit ang isa nilang kasama ay naipit ng jeep na tumama sa steel fence.
Kinilala ang biktima na si Renz Jether Matias, 16 anyos, grade 10 student. Naisugod pa sa ospital ang biktima ngunit binawian ito ng buhay.
Hindi matanggap ng pamilya ng biktima ang biglaang pagkasawi ni Renz lalo pa’t ilang araw na lang ng kanyang moving up ceremony sa July 10 at marami pa itong pangarap na nais matupad.
Ayon din sa imbestigasyon ng pulisya, kakatapos lamang umano ng delivery ng driver at pababa na ito mula sa delivery area na nasa third floor. Nawalan ng preno ang driver nang pababa na siya galing delivery. Pinilit ng driver na ma-control ito ngunit nagtuloy-tuloy pa rin ang pagbulusok ng jeep.
Aresto naman ang driver ng jeep na si Zaldy Bago.
Samantala, itutuloy ng pamilya ang kaso na kahaharapin ng driver. #RBM
Video courtesy: Arnel Alcorroque/Facebook
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
