Read Time:1 Minute, 22 Second
Tila balik-alaala sa mga netizen ang actress and commercial model na si Karen Delos Reyes nang namataang dumalo sa isang event na ginanap sa Cove Manila, Okada.
Thank you for reading this post, don't forget to subscribe!
Sa isang Facebook page ng “Barbie” nitong Hulyo 3, namataan si Karen kasama ang kaniyang anak na si Gabriel Lucas na nakasuot ng tila cowboy outfit.
Dahil sa post na ito, tila nag-“Flashback Friday” ang netizens noong mga panahong nagtatalo sila ni Boobay sa isang TV show ng Kapuso network noon.
Mababasa sa mga comment section na tila tinutukso nila ang aktres na para bang hindi pa nakaka move-on sa nangyari noon.
“BARBIE DELOS SANTOS (HOY DELOS REYES!!!).”
“Si karen delos reyes po ba ito?”
“Barbie Delos Reyes ba ito?”
“Si barbie nga walang apelyido.”
“Hoi delos santos!”
Matatandaan na nagsimula ang umano’y panunukso kay Karen dahil sa naging engkwentro nila ni Boobay. Kung mababalikan, magkasama ang dalawa sa reality competition show na “Extra Challenge” na ipinalabas sa GMA Network kung saan naturang host si Boobay at challenger naman si Karen.
Nagsimula umanong mapikon si Karen kay Boobay dahil ibang apelyido ang binabanggit niya, imbes kasi na “Delos Reyes,” Delos Santos nang Delos Santos ang patuloy niyang binabanggit na apelyido ng aktres.
Doon na nga nagkasagutan ang dalawa at pumagitna na rin ang naroong bahagi rin ng show na si Marian Rivera.
Samantala, nasa mahigit 3.2K reacts at 2.5K shares ang larawang iyon ni Karen kasama ang kaniyang anak.
*Nakilala si Karen Delos Reyes noong una itong lumabas sa TV Commercial ng McDonalds Philippines taong 2007.
Source/Images: balita.net.ph
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
