GDCE Batch 3 inaasahang magsisipagtapos sa Agosto 15, Mga Titser-Iskolar ng Mimaropa, Pasig at Quezon kasama sa 33 GDCE Batch 3 ngayong Buwan ng Wika at Kasaysayan

Read Time:2 Minute, 3 Second

[Ni Randy Nobleza]

Thank you for reading this post, don't forget to subscribe!

Boac, Marinduque – Magkakaroon ng seremonya ng pagtatapos ang Graduate Diploma in Cultural Education (GDCE) Batch 3 sa Martes, Agosto 15 sa Casa Real ng kabisera ng lalawigan. May temang, “Harmony in Diversity – Cultivating Cultural Wisdom across Islands and Cities” ang pagtatapos na magsisimula ng 4:30 ng hapon.

Mula sa Mindoro sina Kermit Agbas, Jan Christian Cabarrubias, Ralph Diaz, Maybelle Gonzales, Junex Gaspar, Godofredo Quintero Jr., Eureka Ramos at Gemma Santiago. Galing naman sa Palawan sina Ara Dell Beatrice Abe, Michael Angelo Doblado, Jehu Segundo at Andrea Trina Dequiña. Habang taga-Marinduque naman sina Leiden Baptista, Francis Rafael Bonode, Haydie Cruzado, Cheryl De Mesa, Lea Dulay, Arwin Jones Epa (Batch 2), Maryjoy Larracas, Ruth Larraquel, Grace Logmao, Marielle Logmao, Mary Angeline Mapacpac, Russel Martinez, Roziel Montalban, Mark Christopher Roi Montemayor (Batch 2), Jodan Montera, Darwin Morales, Dennis Motol, Rosiel Peñarubia at Mary June Quindoza. Samantala, mula naman sa Quezon si Ruthsenett Soriano at Pasig si Danim Majerano.

Nagsimula ang GDCE Level 2 noong Hulyo 17 hanggang 22 sa CulEd 207: Development of Culture-based Lesson Exemplar nang Hulyo 24 hanggang 29 kay Prop. Sharmaine Balut. Sumunod ang CulEd 206: Local Cultural Mapping kay Prop. Rica Palis na nagkaroon pa ng online radio guesting sa Kalinangang Bayan ang mga titser-iskolar at BCAEd na mga mag-aaral at magtatanghal. Pagkatapos, nakabalik muli si Prop Tim Dacanay noong Hulyo 21 hanggang Agosto 5 para sa CulEd 20: Media-Based Cultural Documentation kung saan nakagawa ng mga dokyumentaryo ang mga titser-iskolar sa iba-ibang mga pamanang higit pa sa nasasalat. At nitong Agosto 7 hanggang 12, naidaos ang Erguhan: Kamalayan sa Wika at Kultura bilang unconference sa CulEd 204: Issues in Cultural Education sa pamamahala ni Dr. Randy Nobleza na siyang GDCE coordinator sa Mimaropa.

Ang Graduate Diploma in Cultural Education (GDCE) ay mula sa pagtataguyod ng Philippine Cultural Education Program (PCEP) sa pangangasiwa ng Pambansang Komisyon para sa Kultura at mga Sining (NCCA). Ang unang batch ng GDCE sa Marinduque ay noong 2018 habang ang kasunod na batch ay nagkaroon ng mga titser-iskolar mula Romblon at Mindoro. Ang Buwan ng Agosto ay nagdiriwang din ng Buwan ng Kasaysayan at Wika. Ang Marinduque State College ay bahagi ng Local Historical Committees Network (LHCN) ng National Historical Commission of the Philippines (NHCP) at mayroong Sentron Wika at Kultura sa pakikipag-ugnayan sa Komisyon sa Wikang Filipino. ##

365499153_1409022579658373_6392414509094671238_n

About Post Author

Diyaryo Milenyo

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.

rexbmolines@gmail.com

http://diyaryomilenyonews.com