Jessy, Luis kasal na!
[ni Athena Yap]
Thank you for reading this post, don't forget to subscribe!Finally! Mrs. Manzano na si Jessy Mendiola!
Ibinunyag ni Jessy Mendiola sa kanyang five-minute vlog ang naganap na pag-iisang dibdib nila ng kanyang long-time partner na si Luis Manzano nitong Linggo lamang kasabay ng Easter Sunday.
Base sa mga lumabas na iba pang ulat kaugnay sa kanilang kasal, naganap ang kanilang intimate wedding noong February 21, 2021 sa The Farm at San Benito, Lipa, Batangas kung saan ang mga dumalo ay ang magulang ni Luis na sina Gov. Vilma Santos, Edu Manzano, step father niya (Luis) na si Honorable Ralph Recto at ang kapatid niyang si Ryan Christian Recto.
Hindi man nila personal na nakapiling ang ina ni Jessy sa kasal, makikita naman sa vlog na inupload ni Jessy na nakasama pa rin ang mommy niya kahit sa pamamagitan lang ng video call.
Makikita rin sa vlog kung gaano naging kapwa emosyonal sina Jessy at Luis sa kanilang kasal. Simple at elegante ang naging kasal ng nasabing celebrity couple.
Matatandaan na noong December 2020 ay inanunsyo ni Jessy sa pamamagitan din ng vlog ang kanilang engagement na naging kontrobersyal at naging emosyonal pa siya sa pagku-kwento ng kanilang engagement.
Gayunpaman, kung titingnan ang kanilang kasal ngayon ay mapapansing puno lamang ng real feelings at kasiyahan ang magkasintahan. Syempre pa, bumuhos din ang napakaraming pagbati sa kanila ng mga kaibigan nila sa showbiz industry.
Ilan sa mga bumati ay sina Momshie Karla Estrada, Pokwang, KC Concepcion, Vina Morales at marami pang iba. #DM
You must be logged in to post a comment.