PHOTO NEWS: “TEARS OF JOY”

Read Time:1 Minute, 24 Second

Hindi inaakala ng Pamilya Abordaje na ngayong-araw (Lunes, Marso 2, 2020), bubuhos ang biyaya sa kanilang bakuran. Mga biyaya na magpapaiyak ng kanilang mga puso sa tuwa. Mga biyaya na magbibigay sa kanila ng pag-asa sa gitna ng dinadanas nilang pighati sa buhay. Mga biyaya na magsisilbing aahon sa papalubog nilang pag-asa.

Thank you for reading this post, don't forget to subscribe!

Sa larawan, makikita si Mayor Randy Ecija Jr. ng bayan ng Senator Ninoy Aquino sa probinsya ng Sultan Kudarat na pinipilit ngumiti kahit umiiyak ang puso nito dahil sa matinding emosyon habang yakap at hawak ito sa kamay ng dalawang miyembro ng Pamilya Abordaje. Yakap at hawak na bumaon sa kanyang puso at isipan. Yakap at hawak na mula sa pusong nananaghoy ng pag-asa.

PHOTO OF PANGKABUHAYAN FOR PAMILYA ABORDAJE

Ang Pamilya Abordaje ay binigyan ni Mayor Ecija ng sako-sakong mga bigas at iba pang grocery items na pwedeng itinda sa kanilang naghihingalo na sari-sari store. Ang paghahatid ng nasabing mga pangkabuhayan ay reaksyon ni Mayor Ecija sa pinosteng mensahe ng isang netizen na nagngangalang “Lyka,” kung saan umaapela ito na sana matulungan ang Pamilya Abordaje na malagyan ng paninda ang kanilang maliit na sari-sari store upang sila ay patuloy na mabuhay.

Para sa Pamilya Abordaje, ang ngiti na kanilang nakita mula kay Mayor Ecija ay bumuhay sa kanilang naghihingalong pag-asa. Ngiti na babaon din sa kanilang puso at isipan. Ngiti na hindi nila makakalimutan habang sila ay nabubuhay. Ngiti na laging magpapaalala sa kanila na mayroong isang “Mayor Randy Ecija Jr.” na nagpasaya sa kanilang nananaghoy na mga puso na pinaiiyak ng pighati ng buhay. (RAMIL H. BAJO/PHOTO CREDIT TO RANDY ECIJA JR.)

PHOTO NEWS: “TEARS OF JOY”

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com