
Original Sang’gres, magsasama muli sa proyekto

Magsasama muli sa isang proyekto ang mga original sang’gre ng Encantadia ayon sa director nito na si Mark Reyes.
Ibinahagi ng director sa kanyang instagram post na magkakaroon muli ng bagong proyekto ang mga original sang’gre na sina Iza Calzado, Diana Zubiri, Karylle at Sunshine Dizon.
Ayon sa post ni Direk Mark “Avisala! @sanggreinc resumes operations. #somethinscoming #newnormal,”
Ang nasabing proyekto ay gagawin sa ilalim ng Sangre Productions Inc.
Si Direk Mark ang naging direktor ng Encantadia noong 2005 at 2016.
Matatandaang noong 2018, gumawa ng ingay ang mga original sang’gre nang ginawa nila ang pelikula na Mystified na mapapanood sa iFlix.
Ang Mystified ay nagwagi bilang Best Single or Telemovie award sa 24th Asian Television Awards. (Ni Benjamin Ducay Garcia)