Pitakang may lamang pera napulot ng tanod, agad isinauli
[ni Sid Luna Samaniego]
Thank you for reading this post, don't forget to subscribe!Hunyo 3, 2021 ganap na alas 3:15 ng hapon nang makapulot ng pitaka ang Brgy. Tanod na si Michael Navarro ng Brgy. Bagbag 1, Rosario, Cavite.
Naglalaman ang pitaka ng halagang 3,700php. Ipinagtanong niya ang nasabing pitaka kung sino ang nagmamay-ari nito kasama ang kapwa Brgy. Tanod na si Tajing Cano.
Ilang saglit pa ay natunton nila ang may-ari ng pitaka na si Josephine Perez Buhia, 22 taong gulang, tubong Buenavista, Quezon at nagtatrabaho sa Epza bilang Factory Worker.
“Maraming salamat kay kuyang tanod. Isinauli niya ang pitaka. Yung laman ng pitaka na ‘yan ay nakalaan talaga ‘yan sa anak ko na magbi-birthday ngayong linggong darating. Ipapadala ko yan sa probinsya para may handa ang anak ko”, kwento ni Josephine.
“Mahirap lang ako, pero titiyakin kong mayaman ako sa dignidad. Napulot ko lang ang pitaka, at alam kong hinahanap ‘yan ng tunay na may-ari kaya pagkapulot ko ng pitaka ay agad naming ipinagtanong kung sino ang may-ari ng pitaka”, malumanay na paglalahad ni Michael Navarro.
Sa kasalukuyan ay may matinding pinagdadaanan ang Brgy. Tanod na si Michael dahil sa pagkaka-stroke ng kanyang misis. Pero sa kabila nang lahat, nangibabaw ang kanyang prinsipyo’t dignidad. #DM
You must be logged in to post a comment.