Sa pagdiriwang ng National Internet Day; Matatag at konkretong sistema ng Online System sa bansa, hangad ng grupo ng “CLICK”
0
0
Read Time:1 Minute, 17 Second
[Ni Sid Luna Samaniego]
Thank you for reading this post, don't forget to subscribe!
Sobrang bagal na internet pero patuloy ang pagbabayad sa serbisyong hindi naman maayos. Ang pawala-walang internet pero patuloy ang pagbabayad sa hindi nagamit na serbisyo. Ang paglalagay ng Data Cap o Limitasyon sa paggamit. Sobrang mahal na internet. Kawalan ng malawak at maasahang network coverage. Napaka-pangit na hotline support. At kawalan ng maayos na interconnection ng lahat ng network.
Sinasabing ang ating bansa ang pinaka-mabagal na internet connection sa buong mundo. Kaya naman ang epekto nito ay ang pagbagal ng transaksyon at pagkalugi ng negosyo at pagkasayang ng maraming oras.
Mahabang panahon na rin ang ating pagtitiis sa mabagal na serbisyo ng internet. Nasasayang ang buwanang kabayaran sa internet. Ang dahilan nila, hindi upgraded ang mga inprastraktura ng mga network provider.
Ang grupo ng tinatawag na “CLICK” na pinangungunahan ni Darlon Sayarot ay naghahangad ng isang matatag at konkretong sistema ng Online System sa ating bansa. Nais niyang bigyang solusyon ang lahat ng problemang may kinalaman sa “Online System”.
“Kung maiaayos natin ng tama at wasto ang “Online System” tiyak kong uunlad ang bansa natin kasunod ang pagusbong ng marami pang negosyo at maraming trabaho na pakikinabangan ng maraming Pilipino”, paliwanag ni Darlon Sayarot.
Sa pagdiriwang ngayon (Oktubre 29, 2021) ng National Internet Day hangad din ng grupong “CLICK” ang pagsasabatas na gawing “basic needs” ang internet at hindi “value added services”. Ito ay mas naayon sa modernong Pilipinas ngayon. Magkaroon ng karapatan ang bawat Filipino ng maayos, mabilis at maaasahang internet connection. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.