Pagbubukas ng gym, Internet cafes, at review centers, epektibo na sa Agosto 1

Read Time:1 Minute, 19 Second

Good news para sa mga lugar na nasa ilalim ng General Community Quarantine sa Metro Manila.

Thank you for reading this post, don't forget to subscribe!

Magbubukas na ang mga internet cafe, gym, review center sa Sabado, Agosto 1 sa mga lugar na nasa ilalim ng general community quarantine sa Metro Manila, ayon sa salaysay ng Malacañang kahapon, Hulyo 29.

Ang mga papayagang establisimiyento ay maaring makapag-operate ng 30% capacity sa mga lugar na kinabibilangan ng GCQ sa Metro Manila, ayon na rin sa pahayag ni Presidential Spokesperson Harry Roque.

Narito ang mga kategorya ng mga negosyong magbubukas;

Testing and tutorial centers
Review centers
Gyms
Sports facilities
Internet cafes
Establishments offering personal grooming and aesthetic services
Pet grooming
Drive-in cinemas

Ang Department of Trade and Industry at Department of Health ay maglalabas ng mga panuntunan para sa health protocols sa nasabing mga industriya.

“Confirmed na, decision na po ito pero effective August 1. Ang minset naman ng buong IATF ay tulungan ang Presidente para ma-reopen ang economy tsaka madagdagan ang mga trabaho, mga workers makabalik na,” sinabi ni Trade Secretary Ramon Lopez sa isang interbyu sa TeleRadyo.

“Yung Internet café dahil sa education at trabaho, dahil sa blended learning mga e-learning kaya inopen din ‘yun,” dagdag pa ng Kalihim.

Kapag ma-comply nila (mga negosyo) ang inilaang government restrictions ay maaring itaas ito sa 50% capacity ng operating system ng bawat establisimyento.

Samantala, ang mga business operation ng cockpits, beerhouses, at iba pang negosyo gaya ng mga restaurant na nagse-serve ng alcoholic drinks, at ang mga kids amusement industries ay mananatiling sarado sa lahat ng uri ng community quarantine na ipinatutupad sa bansa. (REX MOLINES)

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com