P6.49-B funds sa ilalim ng Bayanihan 2 hindi nagamit; Robredo nalungkot
0
0
Read Time:1 Minute, 11 Second
Nalungkot si Bise Presidente Leni Robredo sa bilyun-bilyong pisong pondo na hindi nagamit sa ilalim ng Bayanihan 2 hanggang sa ito ay mapaso nitong nakaraang Linggo.
Thank you for reading this post, don't forget to subscribe!
Sa kanyang weekly radio show, sinabi ni Robredo na ang national government ay dapat naipamahagi ang pondo para sa lahat ng makikinabang nito sa ilalim ng Bayanihan 2 upang mapalakas ang pagresponde sa pandemya sa bansa.
Napaso ang Bayanihan 2 nitong June 30 na may unused funds na nagkakahalaga ng P6.49 billion, ayon sa Department of Budget and Management.
“Sobrang sayang na marami na sanang natulungan na mga magsasaka, mga manggagawa, ‘yong mga health workers, ‘yong mga kailangan ng mga health institutions natin tapos hindi nagamit,” saad ni Robredo.
“Kapag nakita mo ‘yong ganito na ang laking pera tapos parang hindi pinahahalagahan, hindi nagastos, sayang kasi ang dami na mag-be-benefit sana,” dagdag pa ni Robredo.
Sinabi pa ni Robredo kung ipinagkatiwala sa kanyang tanggapan ang hindi nagamit na pondo, mas marami pa sila sanang matutulungan lalung-lalo na sa pagharap ng COVID-19 testing capacity sa bansa.
Nilagdaan ni Pangulong Rodrigo Roa Duterte ang Bayanihan 2 or Republic Act 11494 noong Setiyembre 2020.
Samantala, ang Bayanihan 3 ay inaprubahan naman ng House of Representatives sa ikatlo at final reading nito, na maglalaan ng P401 billion worth of interventions para matugunan ang pagtulong sa mga Pilipino sa pagharap mula sa COVID-19 pandemic. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.