270 na mga bata nakatanggap ng mga libreng–serbisyo mula sa “1st Barangayanihan Kapatid” ng PNP–1st SKPMFC sa probinsya ng Sultan Kudarat

Read Time:1 Minute, 50 Second

[by RASHID RH. BAJO with reports and photos from PNP–1^st SKPMFC PRESS RELEASE]

Thank you for reading this post, don't forget to subscribe!

SULTAN KUDARAT (R12), Philippines –– Umabot sa 270 na mga bata sa dalawang malayo na mga barangay sa bayan ng Columbio sa probinsya ng Sultan Kudarat ang nakatanggap ng libreng mga serbisyo mula sa 1^st Sultan Kudarat Provincial Mobile Force Company (1^st SKPMFC) sa ilalim ng kanyang programa na “1^st Barangayanihan Kapatid,” kung saan ang layunin nito ay mas lalo pang palakasin ang koneksyon ng gobyerno, sa pamamagitan ng Philippine National Police (PNP), sa mga komunidad.

Ayon sa press statement na pinadala ng 1^st SKPMFC sa Diyaryo Milenyo, ginanap ang nasabing programa nito noong July 22-23, 2021 sa mga barangay ng Natividad at Eday sa bayan ng Columbio, kung saan umabot sa 270 na mga kabataan ang nakatanggap ng mga libreng–serbisyo, tulad ng feeding, tuli at gupit.

Kasama ng 1^st SKPMFC, sa ilalim ng liderato ni Police Colonel Hoover T. Antonio, ang tropa ng 1202nd MC, RMFB12, sa ilalim ng superbisyon ni Police Major Richard Pabalinas, Charlie Coy, 39th IB, Philippine Army, sa pangunguna ni 1^st Lieutenant Hercules Marabe, Makasining Lahi of Tacurong, sa pangunguna ni President Jonathan Pedrones at ng 1st SKPMFC Advisory Council, sa ilalim ng pamamahala ni Sandy E. Hiso sa pagsagawa ng nasabing sunod–sunod aktibidades doon.

Pinasalamatan naman ni Colonel Antonio ang presenya at patuloy na suporta na ibinibigay ni Columbio Municipal Councilor Datu Zahir Mamalinta, Al-Haj, kung saan ang siyang tserman ng Committee on Peace and Order.

Ayon kay Colonel Antonio, ang 1^st SKPMFC ay laging handa upang pagsilbihan ang mga komunidad ng probinsya sa abot ng makakaya nito sa tulong ng ibat–ibang mga sektor.

“Kahit malayo, pupuntahan namin dahil ang prayoridad namin ay ilapit ang gobyerno sa malalayong mga komunidad upang maramdaman nila na may gobyernong handa silang tulungan sa kanilang mga problema at bigyan ng mga serbisyong nararapat sa kanila,” sabi ni Colonel Antonio.

Ang nasabing aktibidad ay bahagi ng community outreach na programa ng PNP–1^st SKPMFC at bilang suporta at pakikiiisa nito sa 26th Police Community Relations Month na ang tema ay “Pulisya at Pamayanan, Barangayanihan sa Hamon ng Pandemya at Laban sa Krimen”. #DM

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com