Read Time:1 Minute, 33 Second
[ni RBM]
Thank you for reading this post, don't forget to subscribe!
Inihayag ng OCTA Research Group ngayong Miyerkules [July 21], na ang COVID-19 reproduction number sa Metro Manila ay tumaas sa 1.08, na nagpapahiwatig ng patuloy na paghawa ng virus bunsod ng pagpasok ng Delta variant sa bansa.
Sa kanilang latest monitoring report, sinabi ng grupo na ang Metro Manila ay may average na 744 new cases kada araw mula July 14 hanggang 20, mas mataas ang average na ito kumpara sa 629 daily cases new infections noong July 7 hanggang 13.
Ang capital region ay mayroong average daily attack rate (ADAR) na 5.39 cases per 100,000 population, 42% naman sa ICU utilization, at positivity rate na 6%.
Sinabi pa ng OCTA na kahit mayroong uptick na hawaan sa Metro Manila na tinuturing na cause for concern, hindi naman ibigsabihin nito na dapat ma-alarma ang lahat “as it is still too early to determine if this will continue to [be] an increasing trend.”
Sa pagtatala, ang Pilipinas ay mayroong walo (8) aktibong kaso ng highly contagious na Delta variant, anim (6) dito ay local infections.
Sinabi naman ng Malacañang na magre-reimposed ng paghihigpit sa ilang piling mga lugar sakabila ng banta ng Delta variant.
“Napatunayan na sa pamamagitan ng siyensya na itong Delta variant ay mas nakakahawa, mas nakakamatay, kaya sabi ni presidente ay baka [maghigpit ulit] at ngayon po ay mukhang sigurado na na magbabalik po tayo ng ilang paghihigpit,” saad ni Spokesman Harry Roque sa isang interbyu.
Aniya, ang Inter-Agency Task Force for the Management of Emerging Infectious Diseases (IATF), ay magpupulong bukas [Huwebes, July 22] para sa rekomendasyon ng mga eksperto na suspendehin ang polisiya para sa mga bata edad 5 hanggang 17 na makalabas ng bahay para maiwasan ang paglaganap ng Delta variant na sinasabi na maaring maging carrier ng virus ay ang mga kabataan. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
