BACALAO, PAMBANSANG ULAM NG MGA CAVITEÑO NGAYONG BIYERNES SANTO

Read Time:51 Second

[Ni Sid Samaniego]

Thank you for reading this post, don't forget to subscribe!

CAVITE CITY — Walang kaduda-duda, iisang klase ang ulam ngayon ng mga Kabitenyo, ito ang tinatawag na “bacalao”.

Ang bacalao ay isang uri ng ulam na sinangkapan ng patatas, siling bundok, repolyo, at garbanzos. Na iginisa sa bawang, sibuyas. Tinimplahan ng asin, paminta, dahon ng laurel at atchuete.

Ayon sa Food Historian na si Ige Ramos, personal na nakapanayam ng may-akda, ang bacalao o dried salted cod ay isang uri ng isda na matatagpuan lamang sa nagyeyelong bansa.

Dinadala ng mga dayuhan ang nasabing isda bilang palit-kalakal.

“1960’s ng gawing alternatibo ang isdang pinatuyong labahita. Mga mestisong Tsino at Mehikano sa Cavite ang madalas magluto nito. Nang lumipas ang maraming taon, ang salitang bacalao na rin ang naging katawagan sa luto ng isdang ito,” kwento ni Ige Ramos.

Sa paniniwalang Kristyanismo, bawal diumano kumain ng karne at baboy sa panahon ng Semana Santa. Kaya’t ginto ang presyo ng mga isda. Nagkakaubusan nga ito sa merkado. Habang bahagyang bumaba ang presyo ng karne at baboy. #DM

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com