Private sector handa nang bumili ng vaccines pero wala pang available na suplay – Concepcion
0
0
Read Time:1 Minute, 36 Second
Sinabi ni Presidential Adviser for Entrepreneurship Joey A. Concepcion na handa nang bumili ng coronavirus vaccines ang mga pribadong sektor ngunit wala pang suplay na mapagkukuhanan ng vaccine sa ngayon.
Thank you for reading this post, don't forget to subscribe!“We’d love to do it, but no pharmaceutical company will be able to sell (to) you, especially today because there’s just a shortage of supply at this current time,” saad ni Concepcion sa Kapihan sa Bay nitong Miyerkules.
Mariin ding inanunsyo ito ni Pangulong Rodrigo Duterte sa kanyang regular na televised address nitong Lunes (Marso 29) na kanyang pinapayagang makabili ang mga pribadong sektor sa kanilang kagustuhan.
Kaugnay nito, klinaro ni Secretary Carlito G. Galvez Jr. ang vaccination program na kung sakaling bumili ng vaccine ang mga pribadong kumpanya kailangan pa rin nilang isaalang-alang na magkaroon ng kontrata sa pagitan ng manufacturer at ang kaugnayan ng pamahalaan.
Sinabi rin ni Presidential Spokesperson Herminio L. Roque Jr. nitong Martes (Marso 30) na ang lahat ng mga authorized coronavirus vaccines sa bansa ay under for emergency use at hindi para sa commercial distribution.
Ang mga kumpanya na sakaling makabibili ng vaccines ay kailangan isailalim sa isang tripartite deal, ito ay para panagutin ang bansa kung sakaling magkasakit ang mga indibidwal sa bakunang bibilhin.
Pinangunahan ni Concepcion ang Dose of Hope na nakatulong na makapangalap ng 17 million doses ng AstraZeneca COVID-19 vaccine sa pamamagitan ng tripartite agreement sa pribadong sektor at lokal na pamahalaan. Kabilang sa mga dosis na binili sa pamamagitan ng mga negosyo, ang kalahati nito ay mapupunta sa kanilang mga manggagawa at ang kalahati ay ibibigay naman sa gobyerno.
Samantala, hiniling ng Philippine Chamber of Commerce and Industry na payagan ang mga pribadong sektor na direktang bumili ng mga bakuna nang walang paghihigpit at kondisyon.
Saad naman ni Concepcion na kailangan ipagpatuloy ang pagsunod sa pagpapatupad ng tripartite agreement na inilaan ng pamahalaan. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.