MANILA, Philipines — Nadagdagan pa ng 20 bagong kaso ng COVID-19 ang mga nagpositibong Pinoy abroad ayon sa Department of Foreign Affairs nitong Miyerkules, Hulyo 22.
Sa pagtatala, pumalo na sa 9,165 na kabuoang bilang ng mga OFWs na nagpositibo sa nakamamatay na coronavirus disease COVID-19.
Nasa 3,149 dito ay undergoing ang kanilang treatment, habang 5,369 na mga pasyente ay naka-recover na sa naturang na virus.
Ayon pa sa DFA, wala namang naiulat na bagong namatay sa COVID-19 na mga Pinoy aborad, nananatili pa rin sa bilang na 647 ang mga namatay na OFWs na nagpositibo sa naturang sakit.
Sa Pilipinas, ang Department of Health ay nakapagtala na nang kabuuang bilang ng confirmed COVID-19 cases na 72,269, habang ang bilang nang mga nakarecover na ay 23,623, at ang kabuuan nang mga nasawi sa naturang virus ay pumalo na sa 1,843.
Sa pagtatala, higit 14.5 million na ang tinamaan ng COVID-19 sa buong mundo na nagsimula sa Wuhan City sa China, probinsya ng Hubei nitong nakaraang taon. Mahigit 607,000 na ang kabuuang bilang nang mga namatay sa virus na ito sa buong mundo. (Rex Molines)
0 comments on “Bilang ng mga Pinoy abroad na nagpositibo sa COVID-19, nadagdagan pa ng 20 new cases ayon sa DFA”